Hello Dosto, Agar aap ek Blogger hai, to aapko apne blog me sitemap lagana bahut jaroori hai. Sitemap kisi bhi website ya blog ke liye bahut hi jyada jaroori hota hai, Kyunki sitemap sabhi search engine ko hamare blog ya website ke baare me batata hai. 

Isme aapke blog ya website ki sabhi pages aur posts ke URL/Links add hote hai. Jisse Search Engine aapke site ki sabhi pages aur posts ko ek hi list me dekh sakta hai aur asani se crawl unhe index kar sakta hai. To dosto, is post me main aapko bataunga, apne blog ya website ke liye Sitemap kaise create ya banate karte hai.

Google Search Engine ki baat kare, to Google pehle un site ko index karta hai, jin sites par sitemap hota hai, Kyunki google ko sitemap se asani ho jaati hai site ko index karane me. 

Agar aapke blog ya website me sitemap nahi hai, to bhi google aapki site ko index kar sakta hai, par kuch posts ko hi index karega, sabhi pages aur post ko index nahi karega. Isliye main yahi kahunga ki, Agar abhi tak aapne sitemap nahi banaya hai, to ab bana lijiye.

Sitemap Kya Hai ? Aur Kyun Jaroori Hai

Sitemap ek File ki tarah hoti hai, Jisme aapke blog ya website ke sabhi pages aur posts ke url/links add hote hai. Sitemap aapke site ko rank karane me madad karti hai. Iska kaam website aur blog ke sabhi pages aur posts ko sabhi search engine me show karana hota hai. 

Google aur Other search engine sitemap se aapke site ke sabhi pages aur posts ko ek sath dekh sakta hai, aur asaani se rank kar sakta hai.

Website Ya Blog Ke Liye Sitemap Kaise Banaye

Agar aap apne website ya blog ke liye sitemap banana chahte hai. Aur aapko iska process ya tarika janna hai, to main is post me ek bahut hi simple aur easy tarika batunga, Jisko follow karke aap asaani se sitemap create kar sakte hai. To iske liye aapko niche diye gaye steps ko follow karna hoga.

Step – 1

 i) Sabse pehle aapko jana hoga → XML-SiteMap.com par.

ii) Ab aapke samne Sitemap Generation page open hoga.

1) Ab aapko “More Option” par click karna hai.

2) Uske baad kuch extra option aapke samne ayenge. pehla hoga → “Page Last Modification” ise aap On kar denge.

3) Uske baad → “Page Priority” ko On kar dijiye.

4) Ab “Change Frequency” ko “Always” karna hai.

5) Ab aapko yahan par apne site ka URL enter karna hai.

6) Aur uske baad “Start” par click kar dena hai.

Step – 2

1) Ab aapke site ke liye sitemap create hona shuru ho jayega.

2) Yahan par likha hoga → “Please Wait, We are Crawling your Website”.

3) yahan par aapko kuch der wait karna hai. Uske baad kuch minute baad aapka sitemap create ho jayega.

4) Sitemap Generation Complete ho jane ke baad Aapko Click karna hai → “View Sitemap Details” par

5) Ab aapko yahan par Download ka option dikhega, Yahan se aap apne Sitemap ko Download kar sakte hai.

6) Aapke Sitemap ka Link ye hoga → https://www.YourBlogURL.com/sitemap.xml.

Blogger Custom URL : https://www.xyz.com/sitemap.xml

xyz ke jagah par aapke site ka naam hoga.